ဆရာဝန်ညွှန်ကြားသည့် ဆေးဝါးများထုတ်ပေးခြင်း (Prescription Dispensing):

• ပြင်ပလူနာများနှင့် ဆေးရုံတက်လူနာများအတွက် ဆရာဝန်၏ဆေးစာအတိုင်း တိကျမှန်ကန်စွာ ဖော်စပ်ထုတ်ပေးပါသည်။

ဆေးဝါးအသုံးပြုမှုနှင့် ပတ်သက်၍ အကြံပေးခြင်း (Medication Counseling):

• ဆေးဝါးတစ်ခုချင်းစီ၏ အာနိသင်၊ သောက်သုံးရန်အညွှန်း၊ ဖြစ်တတ်သော ဘေးထွက်ဆိုးကျိုးများနှင့် အခြားဆေးများနှင့် တွဲဖက်သောက်သုံးပါက ဖြစ်ပေါ်နိုင်သော အကျိုးသက်ရောက်မှုများကို ကျွမ်းကျင်ဆေးဝါးပညာရှင်များက အသေးစိတ်ရှင်းပြပေးပါသည်။

ဆရာဝန်ညွှန်ကြားချက်မလိုသော ဆေးဝါးများ (Over-the-Counter Medicine):

• အကိုက်အခဲပျောက်ဆေး၊ အဖျားကျဆေး၊ အစာကြေဆေး အစရှိသည့် အိမ်သုံး၊ အရေးပေါ်ဆေးဝါးများကိုလည်း ရရှိနိုင်ပါသည်။

ကျန်းမာရေး အထောက်အကူပြုပစ္စည်းများ (Medical Supplies & Health Products):

• အားဆေးနှင့် ဗီတာမင်များ၊ အနာဆေးထည့်ပစ္စည်းများ၊ သွေးပေါင်ချိန်တိုင်းကိရိယာ၊ ဆီးချိုတိုင်းစက်နှင့် ဆက်စပ်ပစ္စည်းများ အစရှိသည့် ကျန်းမာရေးစောင့်ရှောက်မှုပစ္စည်းများကိုလည်း တစ်နေရာတည်းတွင် ဝယ်ယူနိုင်ပါသည်။

အတွင်းလူနာများအတွက် ဝန်ဆောင်မှု (Inpatient Pharmacy Service):

• ဆေးရုံတက်ရောက်ကုသနေသော လူနာများအတွက် ဆရာဝန်ညွှန်ကြားသည့် ဆေးဝါးများကို အချိန်မှန်၊ ဆေးအမှတ်မှန်၊ လူနာအမည်မှန်ကန်စေရန် အထူးဂရုစိုက်ပြီး သက်ဆိုင်ရာလူနာဆောင်များသို့ တိုက်ရိုက်ပို့ဆောင်ပေးပါသည်။