ကျွန်ုပ်တို့၏ဌာနတွင် အောက်ပါဝန်ဆောင်မှုများကို ရရှိနိုင်ပါသည်-

၁။ ဒီဂျစ်တယ် ဓာတ်မှန် (Digital X-Ray)

ခန္ဓာကိုယ်အတွင်းရှိ အရိုး၊ အဆုတ်နှင့် အခြားကိုယ်တွင်းအင်္ဂါများ၏ ပုံရိပ်ကို ဖော်ထုတ်ပေးနိုင်သော အခြေခံအကျဆုံးနှင့် အရေးပါဆုံး စစ်ဆေးမှုတစ်ခုဖြစ်သည်။

အသုံးပြုသည့် အခြေအနေများ:

• အရိုးကျိုးခြင်း၊ အဆစ်လွဲခြင်းများ စစ်ဆေးရန်

• အဆုတ်ရောင်ခြင်း၊ တီဘီရောဂါကဲ့သို့သော အဆုတ်ရောဂါများ ရှာဖွေရန်

• ရင်ခေါင်းပိုင်းဆိုင်ရာ စစ်ဆေးမှုများ ပြုလုပ်ရန်

• ဝမ်းဗိုက်အတွင်းရှိ အခြေအနေများကို အကြမ်းဖျင်းစစ်ဆေးရန်

အားသာချက်: Digital စနစ်ဖြစ်သောကြောင့် ပုံရိပ်ကြည်လင်ပြတ်သားပြီး ဓါတ်ရောင်ခြည်သင့်မှုနှုန်း နည်းပါးသည်။

၂။ အာထရာဆောင်း (Ultrasound)

ဓါတ်ရောင်ခြည်လုံးဝအသုံးမပြုဘဲ အသံလှိုင်းကို အသုံးပြု၍ ကိုယ်ခန္ဓာအတွင်းရှိ နူးညံ့သောတစ်ရှူးများနှင့် ကလီစာများ၏ ပုံရိပ်ကို အချိန်နှင့်တပြေးညီ (Real-time) ဖော်ပြပေးနိုင်သော ဘေးအန္တရာယ်အကင်းဆုံး စစ်ဆေးမှုတစ်ခုဖြစ်သည်။

အသုံးပြုသည့် အခြေအနေများ:

• ကိုယ်ဝန်ဆောင်မိခင်နှင့် သန္ဓေသား၏ ကျန်းမာရေးကို စောင့်ကြည့်စစ်ဆေးရန် (2D, 4D Ultrasound)

• အသည်း၊ သည်းခြေအိတ်၊ ကျောက်ကပ်၊ ပန်ကရိယ၊ သရက်ရွက် အစရှိသည့် ဝမ်းဗိုက်ပိုင်းဆိုင်ရာ ကလီစာများကို စစ်ဆေးရန်

• သားအိမ်၊ သားဥအိမ်နှင့် အခြားမီးယပ်ဆိုင်ရာ ရောဂါများကို စစ်ဆေးရန်

• လည်ပင်းကြီးအကျိတ်၊ ရင်သားအကျိတ် နှင့် အခြားအကျိတ်များကို စစ်ဆေးရန်

အားသာချက်: ဓါတ်ရောင်ခြည်လုံးဝမပါရှိသောကြောင့် ကိုယ်ဝန်ဆောင်မိခင်များနှင့် ကလေးငယ်များအတွက်ပါ ဘေးကင်းလုံခြုံစွာ အသုံးပြုနိုင်ပါသည်။

၃။ C-Arm ဓာတ်မှန် (Mobile C-Arm X-Ray)

ခွဲစိတ်ခန်းအတွင်း ခွဲစိတ်မှုများပြုလုပ်နေစဉ် (Intra-operative) နှင့် အရေးပေါ်ကုသမှုများ ပြုလုပ်နေစဉ်တွင် ဓာတ်မှန်ပုံရိပ်များကို အချိန်နှင့်တပြေးညီ ကြည့်ရှုနိုင်ရန် အထူးထုတ်လုပ်ထားသော ရွှေ့ပြောင်းနိုင်သည့် ဓာတ်မှန်စက်ဖြစ်သည်။

အသုံးပြုသည့် အခြေအနေများ:

• အရိုးအဆစ်ပိုင်းဆိုင်ရာ ခွဲစိတ်မှုများတွင် ကျိုးနေသောအရိုးများကို ပြန်လည်တည့်မတ်ရာတွင် အသုံးပြုရန်

• ဆီးလမ်းကြောင်းဆိုင်ရာ ခွဲစိတ်ကုသမှုများနှင့် ဆီးကျောက်တည်ခြင်းကို ကုသရာတွင် အသုံးပြုရန်

• အခြားခွဲစိတ်မှုများအတွင်း လမ်းညွှန်မှုရရှိရန်

အားသာချက်: ခွဲစိတ်ဆရာဝန်များအတွက် ခွဲစိတ်နေစဉ်အတွင်း တိကျသောလမ်းညွှန်မှုပေးနိုင်သောကြောင့် ခွဲစိတ်မှု ပိုမိုအောင်မြင်စေပြီး ခွဲစိတ်ချိန်ကိုပါ လျော့ချပေးနိုင်သည်။