ရွှေတော်ဝင်ဆေးရုံ - Teleconsultation

(အွန်လိုင်းမှတစ်ဆင့် ဆရာဝန်နှင့် တိုင်ပင်ဆွေးနွေးခြင်း)

လူကြီးမင်းတို့၏ ကျန်းမာရေးစောင့်ရှောက်မှုကို ပိုမိုလွယ်ကူအဆင်ပြေစေရန် ရွှေတော်ဝင်ဆေးရုံမှ Teleconsultation ဝန်ဆောင်မှုကို မိတ်ဆက်လိုက်ပါသည်။ ယခုအခါ သင်၏နေအိမ် သို့မဟုတ် အဆင်ပြေရာနေရာမှပင် ကျွန်ုပ်တို့၏ အထူးကုဆရာဝန်ကြီးများနှင့် ဗီဒီယိုကောမှတစ်ဆင့် တိုက်ရိုက်တိုင်ပင်ဆွေးနွေးနိုင်ပြီ ဖြစ်ပါသည်။

Teleconsultation ဆိုတာဘာလိုမျိုးလဲ။

Teleconsultation ဆိုသည်မှာ နောက်ဆုံးပေါ်နည်းပညာကိုအသုံးပြု၍ သင်၏စမတ်ဖုန်း၊ ကွန်ပျူတာ သို့မဟုတ် တက်ဘလက်မှတစ်ဆင့် အထူးကုဆရာဝန်ကြီးများနှင့် တိုက်ရိုက်တွေ့ဆုံဆွေးနွေးနိုင်သော အွန်လိုင်းကျန်းမာရေးဝန်ဆောင်မှုတစ်ခု ဖြစ်ပါသည်။ ဆေးရုံသို့ လူကိုယ်တိုင်လာရောက်ရန် အခက်အခဲရှိသူများ၊ နယ်ဝေးတွင်နေထိုင်သူများနှင့် အချိန်တိုအတွင်း ဆရာဝန်နှင့် တိုင်ပင်လိုသူများအတွက် အထူးသင့်လျော်ပါသည်။

Teleconsultation ဖြင့် ရရှိနိုင်သော အထူးကုဌာနများ

  • အထွေထွေရောဂါကု ဆရာဝန် (General Physician)

  • ကလေးအထူးကု ဆရာဝန် (Pediatrician)

  • သားဖွားနှင့်မီးယပ် အထူးကု (Obstetrician & Gynecologist)

  • နှလုံးနှင့်သွေးကြော အထူးကု (Cardiologist)

  • အစာအိမ်နှင့်အူလမ်းကြောင်း အထူးကု (Gastroenterologist)

  • ဆီးချိုနှင့်ဟော်မုန်း အထူးကု (Endocrinologist)

  • ဦးနှောက်နှင့်အာရုံကြော အထူးကု (Neurologist)

  • အရေပြား အထူးကု (Dermatologist)

  • နှင့် အခြားအထူးကုဌာနများစွာ…

ဘာကြောင့် ရွှေတော်ဝင် Teleconsultation ကို ရွေးချယ်သင့်သလဲ။

  • အချိန်ကုန်သက်သာပြီး လွယ်ကူအဆင်ပြေမှု (Convenience & Time-Saving): ဆေးရုံသို့လာရန် ခရီးစရိတ်၊ အချိန်ကုန်သက်သာပြီး လမ်းခရီးပန်းပန်းမှုနှင့် ဆေးရုံတွင်စောင့်ဆိုင်းရမှုများကို ရှောင်ရှားနိုင်သည်။

  • နေရာမရွေး တိုင်ပင်နိုင်ခြင်း (Accessible from Anywhere): သင်မည်သည့်နေရာရောက်နေသည်ဖြစ်စေ အင်တာနက်ရှိရုံဖြင့် ရွှေတော်ဝင်ဆေးရုံမှ အထူးကုဆရာဝန်ကြီးများနှင့် တိုင်ပင်ဆွေးနွေးနိုင်သည်။

  • လုံခြုံမှုနှင့် သက်တောင့်သက်သာရှိမှု (Safe & Comfortable): သင်၏နေအိမ်၌ သက်တောင့်သက်သာရှိစွာဖြင့် ဆရာဝန်နှင့် တိုင်ပင်နိုင်သောကြောင့် ရောဂါကူးစက်မှုအန္တရာယ်များကို ရှောင်ရှားနိုင်ပြီး လုံခြုံစိတ်ချရမှုကို ပေးစွမ်းသည်။

  • စဉ်ဆက်မပြတ်သော ကျန်းမာရေးစောင့်ရှောက်မှု (Continuity of Care): ပြသနေကျ လူနာဟောင်းများ၊ နာတာရှည်ရောဂါရှိသူများအတွက် ဆေးချိန်ညှိရန်နှင့် ဓာတ်ခွဲအဖြေများ ပြန်လည်ပြသဆွေးနွေးရန် အလွန်အသုံးဝင်ပါသည်။

  • ကိုယ်ရေးကိုယ်တာ လုံခြုံမှု (Privacy & Confidentiality): သင်နှင့် ဆရာဝန်ကြား ပြောဆိုဆွေးနွေးမှုအားလုံးကို လုံခြုံသောချန်နယ်မှတစ်ဆင့် ပြုလုပ်သောကြောင့် သင်၏ကိုယ်ရေးကိုယ်တာအချက်အလက်များကို လျှို့ဝှက်ထားရှိမည်ဟု အာမခံပါသည်။

ဘယ်လိုအခြေအနေတွေအတွက် သင့်တော်သလဲ။

  • ပြသပြီးသားလူနာများ နောက်တစ်ကြိမ် ပြန်လည်ပြသဆွေးနွေးခြင်း (Follow-up consultation)

  • ဓာတ်ခွဲအဖြေ၊ ဓာတ်မှန်အဖြေများ ပြန်လည်ပြသတိုင်ပင်ခြင်း (Lab result review)

  • သွေးတိုး၊ ဆီးချို၊ နှလုံး အစရှိသည့် နာတာရှည်ရောဂါများအတွက် ဆေးချိန်ညှိခြင်း (Chronic disease management)

  • အရေးပေါ်မဟုတ်သော ကျန်းမာရေးအခြေအနေများအတွက် ဆွေးနွေးတိုင်ပင်ခြင်း (Non-emergency medical advice)

  • အထွေထွေကျန်းမာရေးနှင့် ပတ်သက်၍ အကြံဉာဏ်တောင်းခံခြင်း

ဘယ်လိုအခြေအနေတွေအတွက် မသင့်တော်ဘူးလဲ။

  • အရေးကြီး လူနာများအတွက်မသင့်တော်ပါ။ : Teleconsultation ဝန်ဆောင်မှုသည် အသက်အန္တရာယ်စိုးရိမ်ရသော အရေးပေါ်အခြေအနေများဖြစ်သည့် (ရင်ဘတ်အလွန်အောင့်ခြင်း၊ အသက်ရှူရခက်ခဲခြင်း၊ ပြင်းထန်သောထိခိုက်ဒဏ်ရာရခြင်း၊ သတိလစ်ခြင်း) တို့အတွက် လုံးဝမသင့်တော်ပါ။ ထိုသို့သောအခြေအနေများတွင် နီးစပ်ရာအရေးပေါ်ဌာနသို့ ချက်ချင်းသွားရောက်ပါ။

ဝန်ဆောင်မှုရယူရန် အဆင့်ဆင့် (How It Works)

ရွှေတော်ဝင်ဆေးရုံ၏ Teleconsultation ဝန်ဆောင်မှုကို အလွယ်တကူရယူရန် အောက်ပါအဆင့်များကို လိုက်နာပါ။

    1. ရက်ချိန်းရယူခြင်း (Book an Appointment):

      • ကျွန်ုပ်တို့၏ Hotline ဖုန်းနံပါတ် ၀၉၇ ၉၉၉၉ ၂၃၄၂ နှင့် ၀၉၇ ၉၉၉၉ ၂၃၄၃ သို့ ဆက်သွယ်ပါ။

      • သင်တိုင်ပင်လိုသော အထူးကုဌာနနှင့် ဆရာဝန်ကို ရွေးချယ်ပြီး ရက်ချိန်းရယူပါ။

      • လူနာ၏အမည်၊ အသက်၊ ဆက်သွယ်ရန်ဖုန်းနံပါတ် အစရှိသည့် အချက်အလက်များပေးပါ။

    2. ဝန်ဆောင်ခ ပေးချေခြင်း (Make Payment):

      • ဝန်ထမ်းများမှ သင့်အား ဝန်ဆောင်ခပေးချေရန်အတွက် KBZPay, WavePay သို့မဟုတ် ဘဏ်အကောင့်အချက်အလက်များကို ပေးပို့ပါလိမ့်မည်။

      • ငွေပေးချေပြီးနောက် ငွေလွှဲပြေစာကို ပြန်လည်ပေးပို့၍ အတည်ပြုပါ။

    3. အတည်ပြုချက်နှင့် Link ရရှိခြင်း (Receive Confirmation & Link):

      • သင်၏ရက်ချိန်းနှင့် ငွေပေးချေမှု အတည်ပြုပြီးသည်နှင့် ကျွန်ုပ်တို့၏ဝန်ထမ်းက သင့်အား ဗီဒီယိုကောခေါ်ရန်အတွက် သီးသန့်လုံခြုံသော Link တစ်ခုကို SMS သို့မဟုတ် Viber မှတစ်ဆင့် ပေးပို့ပါလိမ့်မည်။

    4. ဆရာဝန်နှင့် စတင်ဆွေးနွေးခြင်း (Start the Consultation):

      • သင်၏ရက်ချိန်းအချိန်တွင် ရရှိထားသော Link ကိုနှိပ်၍ ဆရာဝန်နှင့် တိုက်ရိုက်စတင်ဆွေးနွေးပါ။ တိုင်ပင်ဆွေးနွေးမှုမစတင်မီ သင်၏အင်တာနက်လိုင်း ကောင်းမွန်နေစေရန် လိုအပ်ပါသည်။

ယခုပင် ရက်ချိန်းရယူလိုက်ပါ။

သင်၏ကျန်းမာရေးအတွက် အိမ်ထဲမှာနေရင်း အဆင်ပြေလွယ်ကူစွာ တိုင်ပင်ဆွေးနွေးနိုင်ရန် ယနေ့ပင် ကျွန်ုပ်တို့ထံ ဆက်သွယ်လိုက်ပါ။

Reach us through

  • အမှတ် (၁၀/ဘီ)၊ ဦးဝိစာရလမ်း၊ (၄၁)တိုးချဲ့ရပ်ကွက်၊ မြောက်ဒဂုံမြို့နယ်။
  • ၀၉၇ ၉၉၉၉ ၂၃၄၂၊ ၀၉၇ ၉၉၉၉ ၂၃၄၃
  • contact@stwhospital.com

Social Networks